2024 жылдың 20 қыркүйегінде «Астрахан ауданының мемлекеттік архиві» КММ директоры Төлебек Алдыжарұлы Мұхамеджанов Ақмола облысы білім басқармасының жанындағы «Агробизнес және сервис колледжі» МКҚК Б 24/81 тобының 1 курс студенттері және оқытушы Гулмайран Жолбарысханмен «Архивтегі экскурсия-уақытқа саяхат» архив және архив қоймалары бойынша шолу экскурсиясын өткізді.

Балаларға архив қоймалары, құжаттарды сақтау шарттары көрсетілді, сондай-ақ олар архив құжаттарын есепке алу, сақтау және пайдалану тәртібі туралы білді, оларды цифрлық форматқа көшіру әдістерімен танысты.

Экскурсия барысында студенттер оқу залына барып, фотосуреттердегі аудан тарихымен танысып, өткен жылдардағы газеттердің жиектемелерін қарап шықты.

Экскурсия қорытындысы бойынша студенттер Астрахан ауданының мемлекеттік архивінің пікірлер кітабына оң пікір қалдырды.