2023 жылдың 21 қыркүйегінде «Астрахан ауданының мемлекеттік архиві» КММ директоры Төлебек Алдыжарұлы Мұхамеджанов «Астрахан ауылының агротехникалық колледжі» МКҚК О – 73 тобының 3 курс студенттері және шебер Ләззат Нұркенқызы Мұқановамен «Архивтегі экскурсия-уақытқа саяхат» архив және архив қоймалары бойынша таныстыру экскурсиясын өткізді.

Балаларға архив қоймалары, құжаттарды сақтау шарттары көрсетілді, сондай-ақ олар архив құжаттарын есепке алу, сақтау және пайдалану тәртібі туралы білді, оларды цифрлық форматқа көшіру әдістерімен танысты.

Экскурсия барысында студенттер оқу залына барып, фотосуреттердегі аудан тарихымен танысып, өткен жылдардағы газеттердің жиектемелерін қарап шықты.

Экскурсия қорытындысы бойынша студенттер Астрахан ауданының мемлекеттік архивінің пікірлер кітабына оң пікір қалдырды.